जालना- महाराष्ट्र केसरी स्पर्धेच्या अंतिम फेरीत गेल्या वर्षीचा महाराष्ट्र केसरी अभिजीत कडके याने प्रवेश केला आहे. महाराष्ट्र राज्य कुस्तीगीर परिषदेच्या मान्यतेने व जिल्हा तालीम संघाच्यावतीने आणि राज्यमंत्री अर्जुन खोतकर यांच्या पुढाकाराने ६२ व्या वरिष्ठ राज्य अजिंक्यपद कुस्ती स्पर्धा व महाराष्ट्र केसरी स्पर्धेचे जालना येथे आयोजन करण्यात आले आहे.

अभिजित कटके हा गेल्यावर्षीच्या महाराष्ट्र केसरीच्या विजेता असून सोलापूरच्या रवींद्र शेंडगे यांच्यासोबत त्याची गादी गटातील अंतिम सामन्याची लढत झाली. ज्येष्ठ विधिगन्य ऍड. हरिभाऊ झोल यांच्याहस्ते ही लढत लावण्यात आली होती. अतिशय चुरशीच्या झालेल्या या लढ्यात अभिजित कटके याने चितपट करून रवींद्र शेंडगे याच्यावर विजय मिळविला. आता माती गटातुन सुवर्णपदक पटकविणाऱ्या मल्लासोबत अभिजित कटके याची महाराष्ट्र केसरी किताबासाठी लढत होणार आहे. उद्या होणाऱ्या या लढतीकडे आता सर्वांचे लक्ष लागून आहे.