औरंगाबाद:-मनपा निवडणुकीकरिता करण्यात आलेल्या वॉर्ड रचना व आरक्षण सोडतीत मोठ्या प्रमाणावर गैरप्रकार झाल्याचे आरोप पदाधिकाऱ्यांकडून करण्यात आले. यावर तब्बल ३७० आक्षेप दाखल करण्यात आले होते. या सर्व आक्षेपांची सुनावणी शनिवारी घेण्यात आली. यानंतर मनपाचे काही अधिकारी पुन्हा फिल्डवर उतरले आहेत. यावेळी  नव्याने केलेल्या रचनेतील काही वॉर्डच्या सीमांत बदल होणार असल्याची शक्यता विश्वसनीय सूत्रांनी वर्तवली. या मुळे मोठे बद्दल होण्याची आस लावून बसलेल्या पदाधिकऱ्यांचा आशेवर पाणी फेरले.  

स्थानिक सत्तेचे केंद्र असलेल्या मनपाच्या निवडणुका दोन महिन्यांवर येऊन ठेपल्या आहेत. एप्रिलमध्ये या  निवडणुका होतील. याकरिता प्रशासनाने ११५ वॉर्डची  रचना तयार केली. यानंतर आरक्षण सोडत घेण्यात आली. 

पुढे यावर टीकांचा अक्षरशः पाऊस पडला.  भ्रष्टाचार झाल्याचे आरोपही झाले.  यामुळे वॉर्ड रचनेवर  आठ दिवसात मनपात सत्तेत असलेल्या पक्षाच्या उपमहापौर, सभागृह नेता, प्रभाग सभापती आदींसह इतर तब्बल ३७० जनांनी  आक्षेप नोंदविले. शनिवारी या आक्षेपांवर सुनावणी घेण्यात आली. रात्री उशिरापर्यंत ही सुनावणी पूर्ण करण्यात आली. यानंतर मनपातील  अधिकारी  दुसऱ्याच दिवशी फिल्डवर उतरले आहे. वॉर्ड रचना करताना काही वॉर्डांत नैसर्गिक सीमां ओलांडण्यात आल्या होत्या. मोठ्या प्रमाणावर आक्षेप दाखल झाल्याने यात बदल होण्याची नगरसेवकांना आशा होती. परंतु यात फार काही बदल होणार नसल्याचे स्पष्ट होत असून, काही वॉर्डांच्या सीमात केवळ बदल होण्याची शक्यता सूत्रांनी वर्तवली. विशेष म्हणजे हे बदल करताना आरक्षणाला कुठलाच धक्का लागू दिला जाणार नसल्याचे समजते